Գյուղմթերքի էլեկտրոնային շուկա


Eagro-ն գյուղատնտեսական ապրանքների վիրտուալ շուկա է, որը գործում է առցանց և բջջային հեռախոսով, և նախատեսված է բոլոր նրանց համար, ովքեր ցանկանում են գյուղատնտեսական ապրանքներ գնել կամ վաճառել: 


Eagro-ն հնարավորություն է տալիս գյուղմթերքի արտադրությամբ զբաղվող անհատներին և ընկերություններին հեշտությամբ գտնել իրենց արտադրանքի գնորդին: Միևնույն ժամանակ գնորդը հնարավորություն է ստանում առանց լրացուցիչ ժամանակ և միջոցներ ծախսելու գտնել իրեն անհրաժեշտ քանակությանը և գնին համապատասխան գյուղատնտեսական ապրանք Հայաստանի ցանկացած շրջանում:


Ծրագրի կայքը՝ www.eagro.am, հանդիպման վայր է հանդիսանում բոլոր շահագրգիռ կողմերի՝ վաճառողների, գնորդների, ինչպես նաև ծառայություններ մատուցողների (փոխադրման, փաթեթավորման, նշագծման և այլն) համար: Ավելին, գեներացնելով գյուղատնտեսական վիճակագրություն, կայքն աննախադեպ հնարավորություն է ստեղծում կողմերի համար լինել տեղեկացված և հիմնավորված գնային որոշումներ կայացնել: Պորտալը նաև առաջարկում է գյուղատնտեսական խորհրդատվություն ամենատարբեր հարցերի շուրջ և տարբեր ծառայություններ՝ գյուղտեխնիկայի վարձակալություն և բեռնափոխադրում, խմբավորման հնարավորություն, ֆորում և այլն: