«Կամուրջ» ունիվերսալ վարկային կազմակերպությունը կնքել է 1,5 մլն ԱՄՆ դոլարի վարկային պայմանագիր MicroBuild 1 B.V.-ի հետ (որը վարկային պայմանագրում ներկայացված է Triple Jump BV նիդեռլանդական ընկերության միջոցով), ինչի շնորհիվ «Կամուրջ»-ը հնարավորություն կունենա մատչելի պայմաններով վարկավորել հաճախորդներին, ովքեր նպատակ ունեն բարելավել իրենց բնակարանային պայմանները, այդ թվում նաև կիրառելով էներգախնայողության տարբեր լուծումներ:
«Triple Jump BV նիդեռլանդական ընկերության հետ կնքված պայմանագրով մենք ընդլայնում ենք մեր միջազգային գործընկերների ցանկը ևս մեկ հայտնի ֆինանսական կառույցով և ստանում հնարավորություն մեր հաճախորդներին տրամադրել բնակարանային պայմանների բարելավմանն ուղղված պարզ վարկատեսակներ, որոնք նաև կնպաստեն էներգոխնայողության ավելացմանը, ինչը էներգակիրների հետզհետե աճող գների պարագայում և հատկապես ցածր եկամուտներ ունեցող ընտանիքների համար առավել կարևոր խնդիրներից մեկն է: Միջազգային գործընկերների հետ համագործակցության ընդլայնումը «Կամուրջ»-ին հնարավորություն է ընձեռում առավել դիվերսիֆիկացնել ներգրավված միջոցների աղբյուրները, իսկ մեր հաճախորդների համար ապահովել էլ ավելի մատչելի և նպատակային օգտագործման լրացուցիչ ֆինասնական ծառայություններ»,- նշեց «Կամուրջ» ՈՒՎԿ ՓԲԸ տնօրեն Գագիկ Վարդանյանը:
Ընկերությունը պատասխանատվություն չի կրում իր կայքում հղում արած այլ ինտերնետային կայքերի բովանդակության ստույգության և արժանահավատության, այնտեղ տեղադրված գովազդների համար: Ընկերությունը պատասխանատվություն չի կրում նաև այդ կայքերում տեղադրված տեղեկատվության օգտագործման հնարավոր հետևանքների համար: «ԿԱՄՈՒՐՋ» ՈւՎԿ ՓԲԸ-ն վերահսկվում է ՀՀ Կենտրոնական բանկի կողմից:
Հայերեն և անգլերեն լեզուներով հրապարակված տեղեկատվության միջև անհամապատասխանության դեպքում անհրաժեշտ է հիմնվել հայերեն տարբերակի վրա: