Սույն էլեկտրոնային դիմումով տալիս եմ իմ համաձայնությունը, որպեսզի.

1. ԿԲ Վարկային ռեգիստրից և «ԱՔՌԱ Քրեդիտ Ռեփորթինգ» ՓԲԸ-ից և վերջիններիս խնդրում եմ «ԿԱՄՈՒՐՋ» ՈՒՎԿ ՓԲԸ-ին տրամադրել իմ ներկա և անցյալ ֆինանսական պարտավորությունների վերաբերյալ տեղեկություններ, ինչպես նաև այլ տվյալներ: Ինչպես նաև տալիս եմ իմ համաձայնությունը, որպեսզի «ԿԱՄՈՒՐՋ» ՈՒՎԿ ՓԲԸ կողմից վարկային (փոխառության և այլն) պայմանագիր կնքելու դեպքում տվյալ վարկային (փոխառության և այլն) պայմանագրի գործողության ողջ ընթացքում ցանկացած պահին առանց ինձ նախապես տեղյակ պահելու ԿԲ Վարկային ռեգիստրը /«ԱՔՌԱ Քրեդիտ Ռեփորթինգ» ՓԲԸ-ն/ «ԿԱՄՈՒՐՋ» ՈՒՎԿ ՓԲԸ տրամադրի իմ ապագա ֆինանսական պարտավորությունների վերաբերյալ տեղեկություններ, ինչպես նաև այլ տվյալներ,

2. ՀՀ աշխատանքի և սոցիալական հարցերի նախարարության «Նորք» տեղեկատվավերլուծական կենտրոն» ՓԲԸ-ից իմ աշխատանքային գործունեության վերաբերյալ՝ ներառյալ տեղեկատվություն գործատու կազմակերպությունների անվանման, հասցեի, հեռախոսահամարի, ՀՎՀՀ-ի մասին, հայտնել նաև աշխատանքի ընդունման և ազատման օրը, ամիսը, տարին, պաշտոնը, աշխատավարձի չափը և այլն,

3. ՀՀ Ճանապարհային ոստիկանությունից ինձ սեփականության, այդ թվում` ընդհանուր համատեղ կամ ընդհանուր բաժնային սեփականության իրավունքով ինձ պատկանող տրանսպորտային միջոցների, վարորդական վկայականի, վերջինիս կարգի և կարգավիճակի, իրավախախտումների, իրավախախտումների վերաբերյալ վարչական ակտերի, ապահովագրական պոլիսների, տրանսպորտային միջոցների նկատմամբ իմ գույքային իրավունքների, դրանց ծագման հիմքերի, շահագործողների վերաբերյալ և այլն,

4. ՀՀ Ոստիկանության Բնակչության Պետական Ռեգիստրից իմ անձը հաստատող փաս­տաթղթերի, դրանցում առկա տվյալների, հաշվառման և բնակության հասցեների վերաբերյալ և այլն,

5. ՀՀ Արդարադատության նախարարության քաղաքացիական կացության ակտերի գրանցման գործակալությունից իմ անվամբ կատարված գրանցումների վերաբերյալ` ներառյալ ամուսնական կարգավիճակի, իմ ամուսնու/կնոջ, զավակների գրանցումների վերաբերյալ և այլն,

6. ՀՀ Արդարադատության նախարարության հարկադիր կատարման ծառայությունից իմ անվամբ առկա կատարողական վարույթների, կիրառված հայցի ապահովման միջոցների, այդ թվում` արգելանքների, կատարողական վարույթի շրջանակներում բռնագանձման ենթակա գումարի չափի, ժամկետի, պահանջատիրոջ, վարույթի վիճակի, տեսակի, ալիմենտի վերաբերյալ և այլն,

7. ՀՀ Պետական եկամուտների կոմիտեից իմ ունեցած հարկային պարտավորությունների, վճարված հարկերի, ներկայացված հաշվետվությունների վերաբերյալ և այլն,

8. ՀՀ Ոստիկանության ինֆորմացիոն կենտրոնից քրեական գործերով որպես կասկածյալ, մեղադրյալ կամ անբաստանյալ ներգրավված լինելու վերաբերյալ և այլն,

9. ՀՀ ԱՆ Իրավաբանական անձանց պետական ռեգիստրից, բաժնետոմսերի ռեեստրի վարում և պահպանում իրականացնող մասնագիտացված կազմակերպություններից իմ` այլ կազմակերպություններում (մասնակից, բաժնետեր, գործադիր մարմնի ղեկավար) հանդիսանալու կամ որպես անհատ ձեռնարկատեր հաշվառված լինելու վերաբերյալ, ինչպես նաև գրանցման ամսաթվի, գործունեության ոլորտի, հասցեի վերաբերյալ, ստանալ պետական ռեգիստրից քաղվածքը և այլն,

10. ՀՀ աշխատանքի և սոցիալական հարցերի նախարարությունից և ՀՀ Միասնական սոցիալական ծառայությունից իմ սոցիալական կարգավիճակի, սոցիալական կարգերի, ստացած կենսաթոշակների վերաբերյալ և այլն,

11. ՀՀ նոտարներից, ՀՀ նոտարական պալատից և ստանա տեղեկատվություն նոտարական կարգով վավերացված և իմ կողմից ստորագրված գործարքների վերաբերյալ,

12. ՀՀ կադաստրի կոմիտեից և ստանա տեղեկատվություն ինձ սեփականության իրավունքով պատկանող, այդ թվում` ընդհանուր համատեղ կամ ընդհանուր բաժնային սեփականության իրավունքով պատկանող անշարժ գույքերի, իմ գույքային իրավունքների, դրանց ծագման հիմքերի վերաբերյալ տեղեկատվություն, դիմի և ստանա սահմանափակումների վերաբերյալ միասնական տեղեկանք, կադաստրային գործից ստանա սեփականության իրավունքի վկայականի, հատակագծի և այլ փաստաթղթերի պատճենները և այլն,

13. Սույնով տալիս եմ իմ համաձայնությունն առ այն, որ հիփոթեքային վարկի վճարված տոկոսների չա­փով (հիփոթեքային վարկի առկայության դեպքում) եկամտային հարկի գումարների վերադարձման նպա­տակով «ԿԱՄՈՒՐՋ» ՈւՎԿ ՓԲԸ-ն «ԱՔՌԱ Քրեդիտ Ռեփորթինգ» փակ բաժնետիրական ըն­կե­րութ­յան միջոցով հարկային մարմին ներկայացնի հարկային մարմնի կողմից սահմանված ձևի տեղեկանք՝ հաշ­վետու եռամսյակում ըստ վարկի մարման ժամանակացույցի վճարման ենթակա վարկառուի կողմից վճար­ված տոկոսների գումարների մասին, ինչպես նաև տրամադրել պահանջվող այլ տեղեկատվություն և փաստաթղթեր։ Գիտակցում եմ, որ վերոնշյալ տեղեկանքում ներառվելու են իմ անձնական տվյալները, այդ թվում` իմ անունը, ազգանունը, հանրային ծառայությունների համարանիշը կամ հանրային ծա­ռա­յութ­յունների համարանիշ չունենալու մասին տեղեկանքի համարը, ՀՎՀՀ-ն (առկայության դեպքում), հի­փո­թեքային վարկի տրամադրման պայմանագրի համարը և ամսաթիվը (այդ թվում` փոփոխության դեպ­քում), հաշվետու եռամսյակում ըստ վարկի մարման ժամանակացույցի վճարման ենթակա և վճարված տոկոսների գումարները՝ դրամով և այլն, և այդ կապակցությամբ տալիս եմ իմ համաձայնությունը։ Գիտակցում եմ, որ տրամադրված տեղեկությունները և տվյալները, կախված դրանց բովանդակությունից կարող են ազդել «ԿԱՄՈՒՐՋ» ՈՒՎԿ ՓԲԸ կողմից կայացված համապատասխան որոշման վրա:

Սույնով տալիս եմ իմ համաձայնություն առ այն, որ «Անձնական տվյալների պաշտպանության մասին» ՀՀ օրենքի համաձայն՝ «ԿԱՄՈՒՐՋ» ՈՒՎԿ ՓԲԸ-ն 50 տարվա ընթացքում հարցումներ կատարի վերոնշյալ աղբյուրներից իմ վերաբերյալ ցանկացած տեղեկատվություն ստանալու նպատակով, որն օգտագործվելու և ուսումնասիրվելու է ծառայությունների մատուցման հետ կապված ցանկացած գործընթացում, ինչպես նաև իմ անձնական տվյալները «ԿԱՄՈՒՐՋ» ՈՒՎԿ ՓԲԸ -ի կողմից փոխանցվի «ԱՔՌԱ Քրեդիտ Ռեփորթինգ» ՓԲԸ, ՀՀ կենտրոնական բանկ, պետական իրավասու այլ մարմիններ:

Սույնով հայտնում եմ, որ ես տալիս եմ իմ համաձայնությունը մշակելու իմ անձնական տվյալները հա­մաձայն «Անձնական տվյալների պաշտպանության մասին» ՀՀ օրենքի 9-րդ հոդվածի դրույթների, ինչ­պես նաև տեղեկացնում եմ, որ ծանուցված եմ «Անձնական տվյալների պաշտպանության մասին» ՀՀ օրենքի 10-րդ հոդվածով սահմանված կարգով իմ տվյալները մշակելու մասին, այդ թվում` անձնական տվ­յալ­ների մշակման իրավական հիմքերի, նպատակի (իմ կամ երրորդ անձի (ում հետ փոխ­կա­պակց­ված, կապված անձ եմ կամ ում վարկային պարտավորությունների կատարման համար երաշխավոր, հա­մավարկառու կամ գրավատու եմ հանդիսանալու) վարկային հայտի տրամադրման կամ մերժման որոշ­ման կայացման նպատակով) մասին, այն մասին, որ կարող են մշակվել իմ վերաբերյալ առկա ցան­կա­ցած տվյալ, իմ վերաբերյալ անձնական տվյալները կարող են փոխանցվել սույն համաձայնության  մեջ նշ­ված անձանց ու մարմիններին, ինչպես նաև օրենքով և/կամ պայմանագրով իրավասու այլ անձանց ու մար­միններին, այն մասին, որ իմ կողմից կարող են պահանջվել անձնական տվյալների ուղղում,  ոչն­չացում, տվյալների մշակման դադարեցում պահանջելու կամ մշակման հետ կապված այլ գործողություն, եթե այն չի հակասում «ԿԱՄՈՒՐՋ» ՈՒՎԿ ՓԲԸ վարկավորման պայմաններին և իրավական ակտերով սահմանված այլ պահանջներին: Սույն համաձայնությունը տրվում է մինչև «ԿԱՄՈՒՐՋ» ՈՒՎԿ ՓԲԸ կողմից իմ կամ երրորդ անձի վարկային հայտի բավարարման կամ մերժման վերաբերյալ համապատասխան որոշման կայացումը, իսկ վարկային հայտի բավարարման և վարկային պայմանագրի կնքման դեպքում` մինչև վարկային պայմանագրի գործողության ժամկետի ավարտը, այն է` մինչև վարկային պարտավորությունների ամբողջական և պատշաճ կերպով կատարումը:

Սույն համաձայնությունը կարդացել եմ և հավաստում եմ, որ այն ինձ համար ամբողջությամբ հասկանալի և ընդունելի է:

Սույնով հայտնում եմ, որ սույն դիմումը ներկայացնում եմ առցանց (Online) եղանակով` վարկ ստանալու նպատակով, ինչը նշանակում է նաև, որ բոլոր տեղեկությունները, տեղեկանքները, փոխկապակցված անձանց համաձայնությունները, այլ համաձայնությունները, երաշխավորների հայտարարագրերը և այլ փաստաթղթերը «ԿԱՄՈՒՐՋ» ՈՒՎԿ ՓԲԸ-ին ներկայացվելու են էլեկտրոնային եղանակով (E-Mail), որոնք կլինեն արժանահավատ և կհամապատասխանեն բնօրինակ փաստաթղթերին: Տեղեկացված եմ վարկավորման պայմաններին և գիտակցում եմ, որ դիմումի ընդունումը չի առաջացնում վարկի տրամադրման պարտավորություն: Երաշխավոր(ներ)ի և իմ հետ փոխկապակցված անձանց էլեկտրոնային համաձայնությունները Աքռա և Նորք հարցումների կատարման, տեղեկատվության ստացման վերաբերյալ արժանահավատ են և տրված են անձամբ իրենց կողմից: Գիտակցում եմ նաև, որ այլ անձի փոխարեն կեղծ դիմում ներկայացվելու կամ այլ անձի փոխարեն վերջինիս վարկային պարտավորությունների և աշխատանքային գործունեության վերաբերյալ հարցումներ կատարելու վերաբերյալ կեղծ համաձայնություն տրամադրելու, տեղեկանք, ինչպես նաև այլ փաստաթուղթ կեղծելու, դրանք իրացնելու կամ օգտագործելու համար կարող եմ ենթարկվել քրեական պատասխանատվության ՀՀ գործող օրենսդրությամբ սահմանված կարգով:

Գիտակցում եմ նաև, որ իմ կողմից ներկայացված վարկային դիմումների քանակը կարող է բացասական ազդեցություն ունենալ իմ վարկային ամփոփ գնահատականի վրա, եթե այն չի հակասում «ԿԱՄՈՒՐՋ» ՈՒՎԿ ՓԲԸ վարկավորման պայմաններին և իրավական ակտերով սահմանված այլ պահանջներին: Սույն համաձայնությունը տրվում է մինչև «ԿԱՄՈՒՐՋ» ՈՒՎԿ ՓԲԸ կողմից իմ կամ երրորդ անձի վարկային հայտի բավարարման կամ մերժման վերաբերյալ համապատասխան որոշման կայացումը, իսկ վարկային հայտի բավարարման և վարկային պայմանագրի կնքման դեպքում` մինչև վարկային պայմանագրի գործողության ժամկետի ավարտը, այն է` մինչև վարկային պարտավորությունների ամբողջական և պատշաճ կերպով կատարումը:

Սույնով հաստատում եմ, որ տեղյակ եմ և համաձայն իմ վարկային պատմության և վարկային սքոր գնահատականի էության և դրա կարևորության մասին: Նախքան վարկային հարցման համաձայնությունը ես սույնով հաստատում եմ, որ վարկային հարցումը կարող է բացասաբար ազդել Ֆայկո սքոր գնահատականի վրա: Այն կարող է ունենալ նաև դրական, չեզոք կամ բացասական ազդեցություն այլ ֆինանսական կազամկերպությունների կողմից կիրառվող ներքին սքոր գնահատականի հաշվարկման համար։