Սույն էլեկտրոնային դիմումով տալիս եմ իմ համաձայնությունը, որպեսզի
-
1.«ԿԱՄՈՒՐՋ» ՈՒՎԿ ՓԲԸ կողմից հարցում կատարվի ԿԲ Վարկային ռեգիստրին/ «ԱՔՌԱ Քրեդիտ Ռեփորթինգ» ՓԲԸ-ին և վերջինիս խնդրում եմ «ԿԱՄՈՒՐՋ» ՈՒՎԿ ՓԲԸ-ին տրամադրել իմ ներկա և անցյալ ֆինանսական պարտավորությունների վերաբերյալ տեղեկություններ, ինչպես նաև այլ տվյալներ: Ինչպես նաև տալիս եմ իմ համաձայնությունը, որպեսզի «ԿԱՄՈՒՐՋ» ՈՒՎԿ ՓԲԸ կողմից վարկային (փոխառության և այլն) պայմանագիր կնքելու դեպքում տվյալ վարկային (փոխառության և այլն) պայմանագրի գործողության ողջ ընթացքում ցանկացած պահին առանց ինձ նախապես տեղյակ պահելու ԿԲ Վարկային ռեգիստրը /«ԱՔՌԱ Քրեդիտ Ռեփորթինգ» ՓԲԸ-ն/ «ԿԱՄՈՒՐՋ» ՈՒՎԿ ՓԲԸ տրամադրի իմ ապագա ֆինանսական պարտավորությունների վերաբերյալ տեղեկություններ, ինչպես նաև այլ տվյալներ,
-
2.«ԿԱՄՈՒՐՋ» ՈՒՎԿ ՓԲԸ-ն ցանկացած պահի, առանց իմ լրացուցիչ համաձայնության և ինձ նախօրոք տեղյակ պահելու, ՀՀ աշխատանքի և սոցիալական հարցերի նախարարության «Նորք» տեղեկատվավերլուծական կենտրոն» ՓԲԸ-ից հարցում կատարի և ստանա իմ վերաբերյալ ցանկացած տեղեկություններ, ներառյալ՝ տեղեկատվություն իմ աշխատանքային գործունեության վերաբերյալ՝ նշելով կազմակերպության անվանումը, հասցեն, հեռախոսահամարը, ՀՎՀՀ, աշխատանքի ընդունման և ազատման օր, ամիս, տարի, պաշտոնը և ամսական աշխատավարձի չափը և այլն: Միաժամանակ պարտավորվում եմ «ԿԱՄՈՒՐՋ» ՈՒՎԿ ՓԲԸ-ի պահանջով վերջինիս տրամադրել ինձ հետ փոխկապակցված անձանց համաձայնությունը` «ԿԱՄՈՒՐՋ» ՈՒՎԿ ՓԲԸ-ի կողմից վերջիններիս վերաբերյալ «Նորք» տեղեկատվավերլուծական կենտրոն» ՓԲԸ-ից հարցում կատարելու և նրանց վերաբերյալ տեղեկություններ ստանալու համար,
-
3.«ԿԱՄՈՒՐՋ» ՈՒՎԿ ՓԲԸ-ն սեփականության կամ ընդհանուր սեփականության իրավունքով ինձ պատկանող գույքերի վերաբերյալ հարցում կատարի ՀՀ կադաստրի կոմիտե և ստանա սպառիչ տեղեկատվություն իմ գույքային իրավունքների, այդ թվում` դրանց ծագման հիմքերի վերաբերյալ, ինչպես նաև կադաստրային գործից ստանա սեփականության իրավունքի վկայականի, հատակագծի և այլ անհրաժեշտ փաստաթղթերի պատճենները, իմ անունից դիմում ներկայացնի ՀՀ կադաստրի կոմիտե, կատարի անշարժ գույքի նկատմամբ ցանկացած իրավունքի պետական գրանցում, ստանա փաստաթղթեր, կատարի վճարումներ` մինչև իմ վարկային (փոխառության և այլն) պարտավորության լրիվ կատարումը,
-
4.«ԿԱՄՈՒՐՋ» ՈՒՎԿ ՓԲԸ-ն սեփականության կամ ընդհանուր սեփականության իրավունքով ինձ պատկանող տրանսպորտային միջոցների վերաբերյալ հարցում կատարի ՀՀ Ճանապարհային ոստիկանություն և ստանա սպառիչ տեղեկատվություն տրանսպորտային միջոցների նկատմամբ իմ գույքային իրավունքների, այդ թվում` դրանց ծագման հիմքերի վերաբերյալ, ինչպես նաև ստանա սեփականության իրավունքի վկայականի և այլ անհրաժեշտ փաստաթղթերի պատճենները` մինչև իմ վարկային (փոխառության և այլն) պարտավորության լրիվ կատարումը:
-
5.«ԿԱՄՈՒՐՋ» ՈՒՎԿ ՓԲԸ-ն հարցում կատարի «Հայաստանի ավտոապահովագրողների բյուրո» ԻԱՄ-ին և ապահովագրական ընկերություններին և ստանա ցանկացած տեղեկատվություն սեփականության իրավունքով ինձ պատկանող տրանսպորտային միջոցների ապահովագրության վերաբերյալ (այդ թվում՝ ապահովադրի և շահառուների վերաբերյալ տեղեկություններ)` մինչև իմ վարկային (փոխառության և այլն) պարտավորության լրիվ կատարումը:
-
6.«Անձնական տվյալների պաշտպանության մասին» ՀՀ օրենքի համաձայն՝ «ԿԱՄՈՒՐՋ» ՈՒՎԿ ՓԲԸ-ն 50 տարվա ընթացքում հարցումներ կատարի «Էլեկտրոնային կառավարման ենթակառուցվածքների ներդրման գրասենյակ» ՓԲԸ (ԷԿԵՆԳ)` ՀՀ Ոստիկանության բնակչության պետական ռեգիստրի, ՀՀ ԱՆ Իրավաբանական անձանց պետական ռեգիստրի, ՀՀ Արդարադատության նախարարության քաղաքացիական կացության ակտերի գրանցման գործակալության, ՀՀ Ոստիկանության ճանապարհային ոստիկանության, ՀՀ ԱՆ Իրավաբանական անձանց պետական ռեգիստրի, ՀՀ Արդարադատության նախարարության հարկադիր կատարման ծառայության, ՀՀ ԿԱ Պետական եկամուտների կոմիտեի և ՀՀ կադաստրի կոմիտեի տվյալներից իմ վերաբերյալ ցանկացած տեղեկատվություն ստանալու նպատակով, որն օգտագործվելու և ուսումնասիրվելու է ծառայությունների մատուցման հետ կապված ցանկացած գործընթացում, ինչպես նաև իմ անձնական տվյալները «ԿԱՄՈՒՐՋ» ՈՒՎԿ ՓԲԸ -ի կողմից փոխանցվի «ԱՔՌԱ Քրեդիտ Ռեփորթինգ» ՓԲԸ, ՀՀ կենտրոնական բանկ, պետական իրավասու այլ մարմիններ:
-
7.Սույնով տալիս եմ իմ համաձայնությունն առ այն, որ հիփոթեքային վարկի վճարված տոկոսների չափով (հիփոթեքային վարկի առկայության դեպքում) եկամտային հարկի գումարների վերադարձման նպատակով «ԿԱՄՈՒՐՋ» ՈւՎԿ ՓԲԸ-ն «ԱՔՌԱ Քրեդիտ Ռեփորթինգ» փակ բաժնետիրական ընկերության միջոցով հարկային մարմին ներկայացնի հարկային մարմնի կողմից սահմանված ձևի տեղեկանք՝ հաշվետու եռամսյակում ըստ վարկի մարման ժամանակացույցի վճարման ենթակա վարկառուի կողմից վճարված տոկոսների գումարների մասին, ինչպես նաև տրամադրել պահանջվող այլ տեղեկատվություն և փաստաթղթեր։ Գիտակցում եմ, որ վերոնշյալ տեղեկանքում ներառվելու են իմ անձնական տվյալները, այդ թվում` իմ անունը, ազգանունը, հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքի համարը, ՀՎՀՀ-ն (առկայության դեպքում), հիփոթեքային վարկի տրամադրման պայմանագրի համարը և ամսաթիվը (այդ թվում` փոփոխության դեպքում), հաշվետու եռամսյակում ըստ վարկի մարման ժամանակացույցի վճարման ենթակա և վճարված տոկոսների գումարները՝ դրամով և այլն, և այդ կապակցությամբ տալիս եմ իմ համաձայնությունը։
Գիտակցում եմ, որ տրամադրված տեղեկությունները և տվյալները, կախված դրանց բովանդակությունից կարող են ազդել «ԿԱՄՈՒՐՋ» ՈՒՎԿ ՓԲԸ կողմից կայացված համապատասխան որոշման վրա:
Սույնով հայտնում եմ, որ ես տալիս եմ իմ համաձայնությունը մշակելու իմ անձնական տվյալները համաձայն «Անձնական տվյալների պաշտպանության մասին» ՀՀ օրենքի 9-րդ հոդվածի դրույթների, ինչպես նաև տեղեկացնում եմ, որ ծանուցված եմ «Անձնական տվյալների պաշտպանության մասին» ՀՀ օրենքի 10-րդ հոդվածով սահմանված կարգով իմ տվյալները մշակելու մասին, այդ թվում` անձնական տվյալների մշակման իրավական հիմքերի, նպատակի (իմ կամ երրորդ անձի (ում հետ փոխկապակցված, կապված անձ եմ կամ ում վարկային պարտավորությունների կատարման համար երաշխավոր, համավարկառու կամ գրավատու եմ հանդիսանալու) վարկային հայտի տրամադրման կամ մերժման որոշման կայացման նպատակով) մասին, այն մասին, որ կարող են մշակվել իմ վերաբերյալ առկա ցանկացած տվյալ, իմ վերաբերյալ անձնական տվյալները կարող են փոխանցվել սույն համաձայնության մեջ նշված անձանց ու մարմիններին, ինչպես նաև օրենքով և/կամ պայմանագրով իրավասու այլ անձանց ու մարմիններին, այն մասին, որ իմ կողմից կարող են պահանջվել անձնական տվյալների ուղղում, ոչնչացում, տվյալների մշակման դադարեցում պահանջելու կամ մշակման հետ կապված այլ գործողություն, եթե այն չի հակասում «ԿԱՄՈՒՐՋ» ՈՒՎԿ ՓԲԸ վարկավորման պայմաններին և իրավական ակտերով սահմանված այլ պահանջներին: Սույն համաձայնությունը տրվում է մինչև «ԿԱՄՈՒՐՋ» ՈՒՎԿ ՓԲԸ կողմից իմ կամ երրորդ անձի վարկային հայտի բավարարման կամ մերժման վերաբերյալ համապատասխան որոշման կայացումը, իսկ վարկային հայտի բավարարման և վարկային պայմանագրի կնքման դեպքում` մինչև վարկային պայմանագրի գործողության ժամկետի ավարտը, այն է` մինչև վարկային պարտավորությունների ամբողջական և պատշաճ կերպով կատարումը:
Սույն համաձայնությունը կարդացել եմ և հավաստում եմ, որ այն ինձ համար ամբողջությամբ հասկանալի և ընդունելի է:
Սույնով հայտնում եմ, որ սույն դիմումը ներկայացնում եմ առցանց (Online) եղանակով` վարկ ստանալու նպատակով, ինչը նշանակում է նաև, որ բոլոր տեղեկությունները, տեղեկանքները, փոխկապակցված անձանց համաձայնությունները, այլ համաձայնությունները, երաշխավորների հայտարարագրերը և այլ փաստաթղթերը ԿԱՄՈՒՐՋ ՈՒՎԿ ՓԲԸ-ին ներկայացվելու են էլեկտրոնային եղանակով (E-Mail), որոնք կլինեն արժանահավատ և կհամապատասխանեն բնօրինակ փաստաթղթերին: Տեղեկացված եմ վարկավորման պայմաններին և գիտակցում եմ, որ դիմումի ընդունումը չի առաջացնում վարկի տրամադրման պարտավորություն: Երաշխավոր(ներ)ի և իմ հետ փոխկապակցված անձանց էլեկտրոնային համաձայնությունները Աքռա և Նորք հարցումների կատարման, տեղեկատվության ստացման վերաբերյալ արժանահավատ են և տրված են անձամբ իրենց կողմից: Գիտակցում եմ նաև, որ այլ անձի փոխարեն կեղծ դիմում ներկայացվելու կամ այլ անձի փոխարեն վերջինիս վարկային պարտավորությունների և աշխատանքային գործունեության վերաբերյալ հարցումներ կատարելու վերաբերյալ կեղծ համաձայնություն տրամադրելու, տեղեկանք, ինչպես նաև այլ փաստաթուղթ կեղծելու, դրանք իրացնելու կամ օգտագործելու համար կարող եմ ենթարկվել քրեական պատասխանատվության ՀՀ գործող օրենսդրությամբ սահմանված կարգով:
Գիտակցում եմ նաև, որ իմ կողմից ներկայացված վարկային դիմումների քանակը կարող է բացասական ազդեցություն ունենալ իմ վարկային ամփոփ գնահատականի վրա։
