«ԿԱՄՈՒՐՋ» վարկային կազմակերպության Անձնակազմի կառավարման բաժնի ղեկավար Անահիտ Մանուկյանը «Գործք ՍՊԸ»-ի կողմից կազմակերպված մրցույթի շրջանակներում ճանաչվել է հաղթող` ընտրվելով որպես Հայաստանի 2018 թվականի Մարդկային ռեսուրսների կառավարման լավագույն ղեկավար:
2018 թվականի ընթացքում Անահիտ Մանուկյանը Հայաստանում գործող բազմաթիվ կազմակերպությունների աշխատակիցների հետ միասին մասնակցել է «Գործք ՍՊԸ»-ի կողմից կազմակերպված մրցույթին` Մարդկային ռեսուրսների կառավարման լավագույն մասնագետի բացահայտման նպատակով: Մրցույթի եզրափակիչ փուլը տեղի է ունեցել սույն թվականի փետրվարի 22-ին, որտեղ և հաղթելով` զբաղեցրել է 1-ին տեղը` արժանանալով Հայաստանի Հանրապետության 2018 թվականի Մարդկային ռեսուրսների լավագույն կառավարչի կոչմանը:
«Շնորհակալ եմ կազմակերպիչներին նշված կոչման, մրցույթի իրականացման և այս պարտավորեցնող մրցանակի համար: Վստահ եմ, որ նման մրցույթները հնարավորություն են տալիս մասնակիցներին ակամայից ունենալ մասնագիտական աճ և փորձ:
Շնորհակալ եմ «ԿԱՄՈՒՐՋ» ՈՒՎԿ-ին, քանի որ իմ կազմակերպությունը ինձ հնարավորություն է ընձեռում կիրառել իմ ողջ գիտելիքները, ստանալ նոր գիտելիքներ և ունենալ մասնագիտական աճ, առանց որի հնարավոր չէ լինել պահանջված մասնագետ:
Կարծում եմ, որ ցանկացած ոլորտում, կարևոր չէ` պետական, թե մասնավոր, մարդկային ռեսուրսների ճիշտ կառավարումը հաջողակ բիզնեսի ամենակարևոր գրավականներից է»,- նշեց մրցույթի հաղթող՝ «ԿԱՄՈՒՐՋ» ՈՒՎԿ ՓԲԸ-ի Անձնակազմի կառավարման բաժնի ղեկավար Անահիտ Մանուկյանը:
Ընկերությունը պատասխանատվություն չի կրում իր կայքում հղում արած այլ ինտերնետային կայքերի բովանդակության ստույգության և արժանահավատության, այնտեղ տեղադրված գովազդների համար: Ընկերությունը պատասխանատվություն չի կրում նաև այդ կայքերում տեղադրված տեղեկատվության օգտագործման հնարավոր հետևանքների համար: «ԿԱՄՈՒՐՋ» ՈւՎԿ ՓԲԸ-ն վերահսկվում է ՀՀ Կենտրոնական բանկի կողմից:
Հայերեն և անգլերեն լեզուներով հրապարակված տեղեկատվության միջև անհամապատասխանության դեպքում անհրաժեշտ է հիմնվել հայերեն տարբերակի վրա: