«ԿԱՄՈՒՐՋ» ՈւՎԿ ՓԲԸ-ն հայտարարում է ընդհանուր 1,000,000,000 ՀՀ դրամ ծավալով անվանական, արժեկտրոնային, ոչ փաստաթղթային և ոչ փոխարկելի պարտատոմսերի թողարկման մասին։ Թողարկման տարեկան ֆիքսված եկամտաբերությունը կազմում է 12.5%, տոկոսների վճարումը՝ եռամսյակային։

Թողարկման շրջանակում նախատեսվում է տեղաբաշխել 20,000 պարտատոմս, որոնցից յուրաքանչյուրի անվանական արժեքը կազմում է 50,000 ՀՀ դրամ։ Պարտատոմսերի տեղաբաշխման ժամկետն է 2026 թվականի փետրվարի 3-ից մինչև փետրվարի 23-ը։ Տեղաբաշխումն իրականացվելու է «Դայմենշն» ՓԲԸ-ի միջոցով, որտեղից ներդրողները կարող են ձեռք բերել պարտատոմսերը։

«Մենք հետևողականորեն աշխատում ենք առաջարկել ժամանակակից, մրցունակ և հուսալի ֆինանսական գործիքներ՝ նպաստելով Հայաստանի ֆինանսական շուկայի կայուն զարգացմանը և մեր հաճախորդների վստահության ամրապնդմանը։ Պարտատոմսերի այս թողարկումը կարևոր փուլ է «ԿԱՄՈՒՐՋ» ՈւՎԿ ՓԲԸ-ի ռազմավարության շրջանակում՝ ուղղված ֆինանսական կայունության բարձրացմանը և ներդրողների հնարավորությունների ընդլայնմանը», – նշել է ընկերության տնօրեն Ա. Տերյանը։

Պարտատոմսերի ծրագրային ազդագիրը գրանցվել է ՀՀ Կենտրոնական բանկի նախագահի 2026 թվականի հունվարի 7-ի թիվ N 1/8 Ա որոշմամբ։

Թողարկման հիմնական պայմանները

    • Թողարկման սերիա՝ 2026-01

    • Ընդհանուր ծավալ՝ 1,000,000,000 ՀՀ դրամ

    • Մեկ պարտատոմսի անվանական արժեք՝ 50,000 ՀՀ դրամ

    • Տոկոսադրույք՝ 12.5% տարեկան, ֆիքսված

    • Տոկոսների վճարում՝ եռամսյակային

    • Տեղաբաշխման ժամկետ՝ 03.02.2026 – 23.02.2026

    • Մարման ժամկետ՝ 03.02.2029

    • Տեղաբաշխող՝ «Դայմենշն» ՓԲԸ

«ԿԱՄՈՒՐՋ» ՈւՎԿ ՓԲԸ-ի պարտատոմսերը նախատեսված են ներդրողների համար՝ որպես կանխատեսելի եկամտաբերությամբ և հստակ պայմաններով ֆինանսական գործիք։

Մանրամասները՝ www.kamurj.am և www.dimension.am